January 30, 2010 at 7:08 am (ခံစားချက်, စပ်မိစပ်ရာ)
“နင်နေကောင်းလား”
“နင်သိမှာပါ”
“ဟင့်အင်း . . .ငါမသိဘူး. . . နင်လဲမသိနိုင်ပါဘူး”
သူမ မျက်နှာပေါ်မှာ အဖြေတစ်ခုကို အပြေးအလွှားလိုက်ရှာကြည့်မိတယ်။ သူ ထင်ထားတာထက် သူမက ပိုဟန်ဆောင်ကောင်းနေခဲ့တယ်။ ချက်ချင်းပဲ သူ့မျက်လုံးတွေက သူမရဲ့ ညာဘက်လက်သီးဆုပ်ဆီကို အကြည့်ရောက်သွားတယ်။ အလိုက်တသိပဲ သူမက လက်သီးဆုပ်ကိုဖြေပြလိုက်တယ်။ ရေတမာပင်ပေါ်က ငှက်တွေ ရုတ်တရက်ထပျံသွားကြတယ်။ ဒါပေမဲ့ သူမရဲ့ညာဘက်လက်ထဲမှာတော့ ဘာမှဆုပ်ကိုင်မထားခဲ့ဘူး။
“သိနေလျက်နဲ့မသိချင်ဟန်ဆောင်နေတာ . . နင်မပင်ပန်းဘူးလား”
“ငါ. . .ငါ”
သူမဆီက အဖြေမရခင်မှာပဲ ရုတ်တရက် သူ ကောင်းကင်ကိုမော့ကြည့်လိုက်တယ်။ သူမ လဲ ယောင်ယမ်းပြီး သူ့အကြည့်တွေရှိရာကို လှမ်းကြည့်လိုက်မိတယ်။ နေတစ်ဖတ်နဲ့ကောင်းကင်မှာ သူမျှော်လင့်တဲ့ကြယ်တွေမရှိနိုင်ဘူးလေ။ ဒါပေမဲ့ သူတို့နှစ်ယောက် တွေ့ဆုံချိန်ဟာ ကြယ်စုံနေသင့်တယ်။ အခုလို ပတ်ဝန်းကျင် ကောင်းကင်တစ်ခုလုံး လင်းထိန်နေချိန်ဟာ အပြင်မှာ တကယ်မဖြစ်နိုင်ဘူး။ ဒါဟာ အိပ်မက်တစ်ခုပဲဖြစ်လိမ့်မယ်။ ဟုတ်တယ်. . .။ သူ သူမကိုမျက်နှာမူပြီး လျှောက်လာမိတယ်။ သူမ သူ့ကို အံ့အားသင့်စွာကြည့်နေမိတယ်။ နောက်တော့ သူ သူမကို ကျော်သွားတယ်။ သူမ သက်ပြင်းတစ်ချက် ခိုးချလိုက်မိတယ်။ နောက်တော့ သူတို့နှစ်ယောက် မျက်နှာမူရာလမ်းတွေဆီကို ဆက်လျှောက်လာကြတယ်။ သူတို့နှစ်ယောက်ပြန်ဆုံဖို့ဆိုရင် တစ်ယောက်ယောက်ကတော့ ပြန်ကွေ့လာမှဖြစ်နိုင်လိမ့်မယ်။
Leave a Comment
January 13, 2010 at 2:45 am (ဆောင်းပါး)
ဟိုးရှေးရှေးတုန်းကပေါ့. . . တိုင်းပြည်တစ်ပြည်မှာ ဘုရင်တစ်ပါးအုပ်ချုပ်နေပါတယ်။အဲဒီဘုရင်နန်းတက်စမှာ တိုင်းပြည်က ကစဉ့်ကလျားဖြစ်လို့နေပါတယ်။ တစ်နေ့တစ်ခြား ဒုစရိုက်လောကသားတွေ ပိုမိုများပြားလာပါတယ်။ တိုင်းပြည်အခြေအနေက တစ်နေ့တစ်ခြား ပိုမိုဆိုးရွားလာနေတော့ ဘုရင်ကြီးက ကြပ်ကြပ်မတ်မတ်ကိုင်ဖို့အချိန်တန်ပြီဆိုပြီး မူးမတ်တွေပေးတဲ့အကြံဥာဏ်တွေကို မကြိုက်ပဲအားလုံးကို ပယ်ချခဲ့ပါတယ်။နောက်ဆုံးမှာ ဘုရင်ဟာ သူ့ရဲ့ကိုယ်ပိုင်အကြံဥာဏ်ကိုပဲ အကောင်အထည်ဖော်ဖို့ ဆုံးဖြတ်လိုက်ပါတယ်။
နန်းတော်ရဲ့ မလှမ်းမကမ်းမှာ Public Arena ဆိုတဲ့ အားကစားကွင်းတစ်ကွင်းကို ဆောက်လုပ်နေပါတယ်။ဒါပေမဲ့အများထင်သလို ဒီကွင်းထဲမှာ ဘာအားကစားမှ မကျင်းပခဲ့ဘူး။ ဒီကွင်းကို တရားစီရင်ရေးကွင်းလို့ဘုရင်ကကြေငြာမောင်းထုခဲ့ပါတယ်။ဘာတရားသူကြီးကိုမှလည်းမထားဘူး။သူတရားစီရင်ပုံကတစ်မျိုး။ ပရိသတ်အုတ်အုတ်ကျက်ကျက် ရှိနေတဲ့ public arena ရဲ့အလယ်ကို တရားခံအားခေါ်ဆောင်လာစေပါတယ်။ကွင်းလယ်မှာ တရားခံက ငြိမ်ငြိမ်သက်သက် မတ်တက်ရပ်နေရပါတယ်။ဘာကြိုးနဲ့မှ သူ့ကိုတုပ်မထားပါ။ ဘုရင်ကအချက်ပေးလိုက်တာနဲ့ သူဟာ arena ကိုဝိုင်းရံထားတဲ့ နံရံတစ်နေရာရှိအုတ်တံခါးက နှစ်ပေါက်ဖြစ်ပါတယ်။ တစ်ပေါက်နဲ့တစ်ပေါက်က တစ်ထေရာတည်း တူလွန်းပါတယ်။
တရားခံက သူစိတ်ကြိုက်ရာ တံခါးတစ်ပေါက်ကို ဖွင့်ရမယ်။မဖွင့်ဘဲလည်း မနေရဘူး။ သူ တကယ်လို့ကံမကောင်းခဲ့ရင် သူရွေးလိုက်တဲ့ တံခါးကနေအင်မတန်ကြောက်စရာကောင်းတဲ့ ကျားရဲတစ်ကောင်ထွက်လာပြီး သူ့ကိုအရိုးတစ်ခြား အသားတစ်ခြားဖြစ်အောင် ကိုက်ဝါးပစ်မယ်။ အဲဒီအချိန်မှာ ခေါင်းလောင်းသံတွေ ကြေကွဲဖွယ်အထိမ်းအမှတ်နဲ့ arena တစ်ခုလုံးဆူညံအောင်မြည်လိမ့်မယ်။ ပွဲကြည့်ပရိသတ်အားလုံးလည်း ဒီအနိဌာရုံမြင်ကွင်းကို ကြေကွဲဝမ်းနည်းစွာ ကြည့်ပြီးတာနဲ့ ခေါင်းငိုက်စိုက်ဖြင့် arena ကနေ ထွက်ခွာသွားကြပါတယ်။
တရားခံကတကယ်လို့ ကံကောင်းခဲ့ရင် သူရွေးလိုက်တဲ့ တံခါးကနေအလွန်လှ အလွန်ချောပေ့ဆိုတဲ့ မိန်းမပျိုလေးတစ်ယောက်ထွက်လာပါလိမ့်မယ်။အဲဒီ အမျိုးသမီးက ဘုရင့်နန်းတော်တွင်းရှိ မောင်းမတွေထဲက အလှဆုံးကို ရွေးထားတာဖြစ်ပါတယ်။ အဲဒီအချိန်မှာ ပျော်ရွှင်စရာကောင်းတဲ့ ခေါင်းလောင်းသံမြည်လာပါမယ်။ ရွှေပွဲလာ ပရိသတ်အားလုံးတို့လည်း လက်ခုပ်လက်ဝါးတီးပြီး သြဘာသံဆူညံစွာနဲ့ arena ကနေထွက်သွားကြပါတယ်။ တရားခံအတွက် အပြစ်က ကျားတိရစ္ဆာန် ၊ ဆုလဘ်က ပျိုမေဖြစ်ပါတယ်။
လူသတ်သမား ၊ သူခိုး ၊ ဓားပြ ဘယ်သူပဲဖြစ်ဖြစ် ဖမ်းမိခဲ့သည်ရှိသော် public arena မှာ သွားရောက်တရားစီရင်ခြင်းကို ခံယူရတယ်။ သူ့အဖြစ်က သေရင်မြေကြီး ရှင်ရင်ရွှေထီး။ အုတ်တံခါးကလည်းပုံသေမရှိ။တံခါးကို ပုံသေမှတ်လို့မရဘူး။ဖြစ်ချင်တော့ ကံဆိုးတဲ့တရားခံတွေက အရေအတွက်ပိုများတာကို တွေ့ရပါတယ်။ တချို့တရားခံတွေက ငယ်ငယ်ရွယ်ရွယ်နဲ့ အသေခံသွားကြရသလို၊ တချို့ကျတော့လည်း အိုမင်းမစွမ်းတွေဖြစ်ကြပါတယ်။
တစ်နေ့မှာ…….
လူတိုင်းအံ့သြလောက်တဲ့ အမှုမျိုးဖြစ်ခဲ့ပါတယ်။ အမှုကဘုရင်ရဲ့အယုံကြည်ရဆုံးနဲ့ အားအထားရဆုံး တပ်မှုးလေးနဲ့ ဆိုင်နေပါတယ်။ကြံကြံဖန်ဖန် ဘုရင့်သမီးတော်ကို သွားချစ်ကြိုက်မိတယ်။ တစ်ဖတ်သတ်အချစ်လည်းမဟုတ်၊ သမီးတော်ကိုယ်တိုင်ကလည်း တပ်မှုးကိုမေတ္တာရှိတယ်။ ဘုရင်အမျက်တော်ထွက်ရပြီ။ တစ်ယောက်က သူအားအကိုးရဆုံးတပ်မှုး၊ နောက်တစ်ယောက်က သူအချစ်ရဆုံး တစ်ဦးတည်းသောသမီး။ ဘုရင်ကြီးဟာ ဘယ်သူ့ကိုမှ မညှာတာဘူး။ ပြတ်ပြတ်သားသား တရားစီရင်ရမယ်လို့ စိတ်ဆုံးဖြတ်ပြီးသား။
တပ်မှုးကို အကျဉ်းချထားတဲ့ အတောအတွင်း ကြီးမားပြီး အားအသန်ဆုံး ကျားတစ်ကောင်ကို တောထဲမှာ ရှာခိုင်းတယ်။ ကျားကိုအစာမကျွေးပဲ သုံးလေးရက်ထားလိုက်တယ်။ ဒီအတောအတွင်း သမီးတော်ကလည်း အလုပ်ရှုပ်ပြီ။လာဘ်ထိုးသင့်သူကို ထိုးပြီး သိချင်တာတွေ အကုန်မေးပါတယ်။ ကျားကိုဘယ်အပေါက် လွှတ်ဖို့အစီအစဉ်ရှိသလဲ ဆိုတာတွေပေါ့။
တရားစီရင်မယ့်နေ့ ………
Public arena ရဲ့ အတွင်းအပြင်မှာ ပြည်သူအပေါင်းတို့ အုတ်အုတ်ကျက်ကျက်နဲ့ ဆူညံသံတွေ ဟိန်းနေအောင်ကြားရပြီ။အားကစားကွင်းထဲကို ဘုရင်ကိုယ်တော်မြတ်ကြွချီတော်မူလာပြီ။ တရားစီရင်ပွဲစဖို့ အချက်ပြလိုက်တယ်။ တပ်မှုးလေးခမျာ ကွင်းလယ်ကို ဖြေးဖြေးချင်းလျှောက်လာပြီ။ ဘုရင်ကို ဦးညွှတ်ပြီးနောက် တပ်မှုးလေးဟာ ကျောက်တံခါးများရှိရာ တစ်လှမ်းချင်းလှမ်းသွားပါတော့တယ်။
ဘုရင်ကို တစ်ချက်ကြည့်လိုက်တယ်။ ဘုရင်မျက်နှာလွှဲလိုက်တယ်။ တစ်ဖန် ဘုရင့်ဘေးမှာထိုင်နေတဲ့ သူ့ချစ်သူဆီ တစ်ချက်ကြည့်လိုက်တယ်။ မင်းသမီးလေးကတော့ သူ့ကိုကယ်တင်မှာပဲ ဆိုတာ သူသိထားတယ်။ ထင်တဲ့အတိုင်းပဲ မင်းသမီးကအချက်ပြတယ်။ သူမရဲ့ လက်ညှိုးသွယ်သွယ်လေးက ညာဘက်ကို ညွှန်ပြလိုက်တယ်။ လျှပ်တစ်ပြတ် လုပ်ပြလိုက်တဲ့ လှုပ်ရှားမှုကို ဘယ်သူမှ မရိပ်မိလိုက်။တပ်မှုးသက်ပြင်းတစ်ချက်ချလိုက်နိုင်ပြီ။ သူအဆင်ပြေပြီ။ တွန့်ဆုတ်ခြင်းမရှိဘဲ တပ်မှုးဟာ သူ့ချစ်သူ ညွှန်ပြလိုက်တဲ့အတိုင်း ညာဘက်က အုတ်တံခါးဆီကို တန်းတန်းမတ်မတ် လျှောက်လှမ်းသွားခဲ့တယ်။ ပြီးတော့ တံခါးကိုဖွင့်လိုက်တယ်။ အဲသလိုဖွင့်လိုက်တဲ့အချိန်မှာ ဘာထွက်လာမလဲဆိုတာကို အသင် စာဖတ်သူ ဘယ်လိုထင်ပါသလဲ။ အဖြေကို ရမ်းမထုတ်ပါနဲ့အုံး။ သေသေချာချာ စဉ်းစားပြီးမှဖြေပါ။
မင်းသမီးလေးဟာ သူသိပ်ချစ်ရတဲ့ ချစ်သူကို တခြားသူတစ်ယောက်နဲ့ ရာသက်ပန်ပေါင်းဖက်မှာကို လက်ခံနိုင်ပါ့မလား ။ ကျားစာမိရင် ခဏပဲမဟုတ်လား။
တစ်ဖတ်ကပြန်ကြည့်ရင် ကျားနဲ့ရင်ဆိုင်နေတဲ့အချိန်မှာ လူကချက်ချင်းမသေနိုင်ဘူး။ သူ့ချစ်သူကို ကျားစာအဖြစ်လဲ သူလက်ခံနိုင်ပါ့မလား ။
တံခါးကနေ ဘာထွက်လာသလဲ။
2 Comments
December 21, 2009 at 8:24 am (ဆောင်းပါး)
တစ်နေ့မှာ ဖားသေးသေးလေးတွေစုပြီး တိုင်ထိပ်တစ်ခုရဲ့ အမြင့်ဆုံးထိ ဘယ်သူရောက်အောင် တက်နိုင်မလဲဆိုတာ ယှဉ်ပြိုင်မဲ့ပွဲလေးလုပ်တယ်။ သူတို့ အဲဒီလိုပြိုင်ပွဲလုပ်မယ်ဆိုကတည်းက စုရုံးစုရုံးရောက်ရှိလာတဲ့ ပရိသတ်ကြီးက “ရူးနေပြီလား ၊ ဒီလောက်ခက်တဲ့ ကိစ္စကြီးကို ၊ ဒါဘယ်လိုမှမဖြစ်နိုင်ဘူး ” စသဖြင့် ဝေဖန်ပြောဆိုနေကြပါတယ်။ ပြိုင်ပွဲစပြီး တက်တဲ့ သူတွေတက်နေတဲ့အချိန်မှာလည်း ဆက်လက်ပြောဆိုနေတုန်းပါပဲ။ အဲဒီအချိန်မှာ တစ်ဝက်လောက်ရောက်တဲ့သူလည်း ရောက်နေကြပြီဖြစ်သလို ၊ အားလျှော့တဲ့သူလည်း လျှော့ကုန်ကြပြီ။
တစ်ကောင်တည်းသာကျန်ခဲ့ပြီး အဲဒီတစ်ကောင်တည်းသော ဖားသေးသေးလေးကပဲ အမြင့်ဆုံးတိုင်ထိပ်ကို ရောက်ရှိသွားပါတယ်။ ပရိသတ်ပြီး အံ့သြပြီး ဒီလောက်အမျိုးတူဖားတွေ အကုန်လက်လျှော့ပြီး မရောက်နိုင်ကြတာတောင် သူကတော့ ဘယ်လိုခွန်အားနဲ့ ရောက်အောင်တက်နိုင်ခဲ့တာလဲလို့ ၀ိုင်းမေးကြတဲ့အခါ ဖားလေးဟာ မဖြေနိုင်ပါဘူး။ ဘာလို့လဲဆိုတော့ သူကနားမကြားတဲ့ ဖားလေးတစ်ကောင်ဖြစ်နေလို့ပါပဲ။
ပုံပြင်လေးရဲ့ ဆိုလိုရင်းကတော့ လူ့ဘ၀မှာ တစ်ခါတစ်ခါ (ကြမ်းတမ်းပါတယ်ဆိုတဲ့ လမ်းတွေကိုဖြတ်ပြီး အခက်ဆုံးအလုပ်တွေကို ကြိုးစားလုပ်ကိုင်နေတဲ့အချိန်မှာ ) ပတ်ဝန်းကျင်စကားတွေက ကိုယ့်ရဲ့ actions တွေအပေါ်မှာ သိသိသာသာ ထိခိုက်မှုရှိလာပါတယ်။
များသောအားဖြင့် positive မဖြစ်တဲ့ အတွေးအခေါ်တွေ၊ pessimistic ဖြစ်နေတဲ့ စကားသံတွေဟာ ကိုယ့်ရဲ့ အရှိန်အဟုန်တွေကို နှေးကွေးသွားစေနိုင်ယုံမကပဲ ခရီးတစ်ဝက်ရောက်နေတာတောင် လက်မြှောက်အရှုံးပေးလိုက်ကြတဲ့ ဖားကလေးတွေလို ဖြစ်သွားစေပါတယ်။
5 Comments
December 19, 2009 at 4:51 am (ဆောင်းပါး)
တက္ကသိုလ်ဝင်ခါစ မောင်မယ်သစ်လွင်တွေကို မေးကြည့်ပါ။ တတိယနှစ် ၊ စတုတ္ထနှစ်က နောင်တော်၊ အမတော်တွေရဲ့ ပျော်ရွှင်ဖွယ်နေ့ရက်တွေ ကုန်တော့မယ်ချည်းထင်နေတာပါ။ ကျောင်းပြီးလို့ လူ့အဖွဲ့အစည်းထဲ ခြေချခါစလူသစ်တွေကလည်း အသက်သုံးဆယ်ပြည့်တော့မယ့် နောင်တော် အစ်မတော်တွေကို ဒီအတိုင်းပဲထင်နေတာပါပဲ။ “အဲဒီအရွယ်ရောက်မှတော့ ဘ၀မှာ ဘာအဓိပ္ပါယ်ရှိတော့မှာလဲ” ပေါ့လေ။
အသက်နှစ်ဆယ်ကျော်တွေအဖို့ သူတို့အရွယ်ကမှ တကယ့်လူ့ဘ၀အစစ်လို့ ထင်နေကြတာ။ ကဗျာတစ်ပုဒ်လို ၊ ပန်းချီကားတစ်ကားလို ၊ လှပတဲ့အချစ်ဆိုတာ အများအားဖြင့် ဒီလိုအသက်အရွယ်မှာ ဖြစ်ပေါ်တာမဟုတ်လား။ နောက်ပြီး လုပ်ငန်းခွင်ထဲမှာလည်း စိတ်ဓါတ်အပြင်းပြဆုံးဟာ ဒီအရွယ်ပဲလေ။
အများထင်နေတာက အသက်သုံးဆယ်ကျော်ရင် လူ့ဘ၀ရဲ့ အသွေးအရောင် အပြောင်ဆုံးကာလကျော်သွားပြီ။ အဲဒီကျရင် အရင်ကစုဆောင်းထားတာတွေပဲ စတင်ဖော်ထုတ်စားရတော့ဆိုပြီးပါ။ ဒါကြောင့်လည်း အသက်သုံးဆယ်ပြည့်လာမှာ သိပ်ကြောက်ကြပါတယ်။ အသက်သုံးဆယ်မပြည့်မီမှာ မိမိလုပ်ကိုင်မယ့်လုပ်ငန်းရဲ့ လားရာဦးတည်ချက်တွေကို အခိုင်အမာချထားနိုင်ပြီဆိုရင်ပဲ အသက်အရွယ်ရလာတာနဲ့ ကိုယ့်ရဲ့စိတ်ကူးအိပ်မက်တွေကို အလိုအလျောက် အကောင်အထည်ဖော်သွားနိုင်မှာပါ။
ကျွန်မတွေ့နေရတာတော့ အမျိုးသမီးအများစု အသက်အရွယ်နုပျိုငယ်ရွယ်စဉ်မှာ ကြီးကျယ်တဲ့ မျှော်မှန်းချက်ကြီးတွေချထား ၊ ဒါပေမဲ့ ဟိုယိမ်းဒီယိမ်း ခိုင်ခိုင်မြဲမြဲလည်းမဟုတ် ဒီလိုနဲ့ မသိလိုက်မသိဘာသာ အသက်သုံးဆယ်ရောက်လာ၊ တကယ်တမ်းကိုယ်က ဘာလုပ်ချင်မှန်းလည်းကောင်းကောင်းမစဉ်းစားရသေးဘူး။ နောက်တစ်ဆက်တည်းဆိုသလို ကုမ္ပဏီဝန်ထမ်းဘ၀ကနေ အိမ်ထောင်သည်ဘ၀ရောက် ၊ ကိုယ့်ရဲ့နဂိုရည်မှန်းချက်တွေလည်း နိဂုံးချူပ်သွားတာပေါ့။
တကယ်ကျတော့ ကိုယ်လုပ်ချင်တဲ့ကိစ္စကို တိတိကျကျ ချမှတ်ထားမယ်ဆိုရင် အသက်သုံးဆယ်ကျော်တာဖြစ်ဖြစ် ၊ အိမ်ထောင်ကျပြီးတာဖြစ်ဖြစ် ၊ အစကနေ ပြန်ပြီးထူထောင် လုပ်ကိုင်လို့ လုံးဝရပါတယ်။ သင့်ကို အလုပ်မလုပ်နိုင်အောင်လုပ်တဲ့ အဓိကအကြောင်းအရင်းဟာ ပတ်ဝန်းကျင်က ခွင့်မပြုလို့မဟုတ်ပါ။ ကိုယ့်မှာ တိကျတဲ့ ပန်းတိုင်မရှိလို့သာဖြစ်ပါတယ်။ အသက်နှစ်ဆယ်ကျော် သင့်အနေနဲ့ တစ်ဖတ်မှာလည်း ပျင်းပျင်းရိရိနဲ့ လူ့ဘ၀ကို ဖြုန်းတီးမပစ်ပါနဲ့ ။ ကျန်တစ်ဖတ်ကလည်းပဲ အလုပ်အကိုင်ရော ဘ၀နေထိုင်မှုပါ ပေါ့ပေါ့ပါးပါး ကူးလူးဆက်ဆံလုပ်ကိုင်တက်တဲ့ မြင်ကွင်းမျိုး မွေးမြူထားရပါမယ်။
(ချစ်သန်း – ဘ၀ကို အဆုံးအဖြတ်ပေးတဲ့ အသက်နှစ်ဆယ်ကျော်အရွယ်)
2 Comments
December 12, 2009 at 8:38 am (စပ်မိစပ်ရာ)
ဒီကနေ့ခေတ်မှာ အရာရာကို ခွဲခြမ်းစိတ်ဖြာကြည့်ဖို့က သိပ်ပြီး အရေးကြီးနေပုံပဲ။ ဒါဘာကြောင့်လဲလို့ ကျွန်မတွေးကြည့်မိတယ်။ တစ်ယောက်ယောက်က “မင်းကိုချစ်တယ်” လို့ဆိုလာရင် ကျွန်မတို့ ဘာကိုဆိုလိုတာလဲလို့ မေးခွန်းထုတ်လိုက်ရမှ။ ကျွန်မတို့က သူတို့တကယ်တမ်းပြောတာဘာလဲ ၊ သူတို့ တကယ်တမ်းခံစားနေရတာဘာလဲဆိုတာကို သိချင်ကြတယ်။ ရိုးရိုးလွယ်လွယ်နဲ့လက်သင့်ခံလိုက်ဖို့ ကောင်းတဲ့ကိစ္စတွေကို အနုကြည့်မှန်ပြောင်းအောက်ထားပြီး ဘာကြောင့် ဒီလိုပြောတယ် ၊ ဘာကြောင့် ဒီလိုလုပ်တယ်ဆိုတာကို တစ်စစီပိုင်းဆစ်ကြည့်ရင်းနဲ့ပဲ ကျွန်မတို့ဟာ မဆုံးနိုင်အောင် အချိန်တွေ ကုန်ကြရတယ်။
တစ်ခုခု ၊ ဒါမှမဟုတ် တစ်ယောက်ယောက်နဲ့ပတ်သတ်လို့ ပိုပြီးသိလာလေ ပိုပြီးနားလည်လေလေပါပဲ။ ဒါဟာ သေချာတဲ့အမှန်တရားပါ။ ဒါပေမဲ့ ဘယ်အရာကိုမှ အလုံးစုံ မသိနိုင်ဘူးဆိုတာကလည်း မှန်တာပါပဲ။ အနက်ရှိုင်းဆုံး ခံစားချက်တွေကို တစ်သတ်ပတ်လုံး ပြောပြလာပြီးတဲ့နောက်တောင်မှ အတွေးအယူ ၊ အပြုအမူတွေကို နားမလည်နိုင်ဘဲရှိနေတက်သေးတယ်ဆိုတဲ့ အချက်ကိုက ထူးဆန်းအံ့သြဖို့ကောင်းနေပါတယ်။
ချစ်ခြင်းနဲ့ ပတ်သတ်ပြီး ကျွန်မတို့သိထားရမှာက နားလည်ရခတ်တဲ့ ပဟေဠိကြီးမဟုတ်ပါဘူး။ ချစ်ခြင်းရဲ့ အပြုအမူမှာ ဘာတွေပါတယ်ဆိုတာကို ကျွန်မတို့ အားလုံးသိကြပါတယ်။ ဒီအတိုင်း လက်တွေ့လုပ်ဆောင်ကြဖို့ပဲ လိုပါတယ်။ ခဏခဏမေးခွန်းတွေ ထုတ်နေစရာမလိုပါဘူး။ မကြာခဏဆိုသလို ခွဲခြမ်းစိတ်ဖျာလွန်းတာဟာ ပြသနာကို ရှုပ်ထွေးသွားစေတက်ပါတယ်။ အဆုံးသတ်မှာ ကျွန်မတိုကို ထိုးထွင်းသိမြင်မှုနဲ့ အလှမ်းဝေးသွားစေတက်ပါတယ်။ တစ်ခါတစ်လေ ကျွန်မတို့ဟာ အမျိုးအစားတွေ ခွဲခြမ်းစိတ်ဖျာစစ်ဆေးနေကြရင်းနဲ့ အလုပ်တွေ သိပ်ရှုပ်လာကြတော့ အချစ်ဆိုတာ လွယ်ကူရိုးရှင်းတဲ့အရာပါလားဆိုတာကို မေ့သွားတက်ကြပါတယ်။ ရိုးရှင်းလွယ်ကူတဲ့ အချစ်ကို ရှုပ်ထွေးခက်ခဲအောင်လုပ်တာ ကျွန်မတို့သာဖြစ်ပါတယ်။
1 Comment
December 5, 2009 at 5:03 am (ဆောင်းပါး)
The US Vanderbilt Heart and Vascular Institute မှ နှလုံးရောဂါအထူးကု ဆရာဝန် Julie Damp က အိမ်ထောင်ရှိသူများနှင့် ချစ်သူရှိသူများအဖို့ နှလုံးကျန်းမာရေး ပိုမိုကောင်းမွန်ကြသည် ဟု ပြောကြားလိုက်ပါသည်။
လူတစ်ဦးနှင့်တစ်ဦးကြား မေတ္တာကျွမ်းဝင်ချစ်ခင်ခြင်းနှင့် ကျန်းမာရေးနှင့်ညီညွတ်သော (နွေးထွေးသော) ဆက်ဆံရေးတို့ရှိပါက နှလုံးအတွက် ကောင်းမွန်ပါသည်။ သုတေသန လေ့လာမှုများအရ နွေးထွေး၍ ကြင်နာမေတ္တာပြည့်ဝသော ဆက်ဆံရေးသည် လူတို့၏ နှလုံးအတွက်သာမက အထွေထွေကျန်းမာရေးအတွက်လည်း အကျိုးရလာဒ်ကောင်းများ ရစေနိုင်သည်ဟု သိရသည်။
ချစ်ခြင်းမေတ္တာနှင့် ကျန်းမာရေး ဆက်နွှယ်မှုရှိခြင်းနှင့် ပတ်သတ်၍ လက်ခံထားသော အယူအဆအမျိုးမျိုးရှိသည်။ အိမ်ထောင်ရှိသူများ နှင့် ချစ်သူရှိသူများသည် ဆေးလိပ်သောက်သုံးမှုနည်းခြင်း ၊ တက်ကြွစွာသွားလာနေထိုင်တက်ခြင်း ၊ ခိုင်မြဲသော လူမှုအဆောက်အအုံရှိခြင်း စသည်တို့ကြောင့် နှလုံးကျန်းမာရေးကောင်းမွန်နိုင်ခြင်း ဖြစ်သည်ဟု တချို့သုတေသနပညာရှင်များက လက်ခံထားကြပါသည်။
ယခု သုတေသနတွေ့ရှိချက်အရ ဆိုလျှင် နှလုံးရောဂါကင်းစင်ဖို့ ချစ်တက်ကြပါစို့ဟု ဆိုရမည်ဖြစ်ပေတော့သည်။ Read the rest of this entry »
4 Comments
December 4, 2009 at 8:17 am (ကဗျာ, ခံစားချက်)
ကျေးဇူးပြုပြီး . . .နောက်ကြောင်းကိုပြန်မတွေးပါနဲ့။ နင့်ကိုနာကျင်စေဖူးတဲ့ မိန်းကလေးတစ်ယောက် အကြောင်းတွေမပါစေချင်ဘူး။
ကျေးဇူးပြုပြီး . . .ကြယ်တွေကြည့်ဖို့ မမေ့ပါနဲ့။ ကျယ်ပြန့်တဲ့ကောင်းကင်ပေါ်က ကြယ်လေးတွေက ငါ့ကိုယ်စား အဖော်လုပ်ပေးလိမ့်မယ်။
ကျေးဇူးပြုပြီး . . .ငါ့ဆုတောင်းတွေကို မသိချင်ပါနဲ့။ နင်မရှိတော့တဲ့ နောက်ပိုင်း ငါ့မှာတောင်းစရာဆုလည်းမရှိတော့လို့ပါ။
ကျေးဇူးပြုပြီး . . .နှင်းဆီတွေအကြောင်း အိပ်မက်လာမပေးပါနဲ့။ အ၀ါရောင်သတို့သမီးအကြောင်း မေ့လိုက်တဲ့အခါ နင့်ဘ၀ သာယာသွားမှာပါ။
ကျေးဇူးပြုပြီး . . . ငါ့အနားမှာ ပြန်ဝင်စားဖို့ မကြိုးစားပါနဲ့။ ငါတို့ရဲ့ တော်စပ်မှုဟာ ဘယ်လိုမှ အမည်တပ်လို့ရမှာမဟုတ်လို့ပါ။
မျက်လုံးကိုမှိတ် ၊ နားကိုပိတ်ပြီး ၊ အတိတ်တွေကို မေ့လိုက်ပါ။
အရာအားလုံးအတွက် ကျေးဇူးပြုပြီး . . .။
Read the rest of this entry »
2 Comments
November 14, 2009 at 9:14 am (ကဗျာ)
မပြုံးလဲခတ် . . ပြုံးလဲအခတ်မို့. .
ပြန်ပြုံးပြဖို့ စဉ်းစား
ငါအတွေးများခဲ့ရတာ
တစ်သက်လုံးအတွက်တောင် အရှုံးပေးပြီးသားမို့
နောက်ဆုံးအပြုံး
နှမြောတသကင်းစွာ ပေးလိုက်ချင်တယ်. . .။
6 Comments
November 8, 2009 at 10:22 am (ဆောင်းပါး)
မြင်တဲ့အတိုင်း တွေ့သိတဲ့အတိုင်း ပြောလိုက်မိလို့ အကျိုးမဲ့ဖြစ်ရတဲ့ သာဓကတွေ အများကြီးရှိပါတယ်။ ဒီနေရာမှာတော့ ဇာတကထဲမှာပါတဲ့ အဖြစ်အပျက်ကလေး တစ်ခုကို ဖော်ပြချင်ပါတယ်။
ရှေးအခါက ပုဏ္ဍားဇနီးမောင်နှံရဲ့ အိမ်မှာ ညီအစ်ကိုတော်တဲ့ ကြက်တူရွေးကလေး နှစ်ကောင်ကို မွေးထားတယ်။ ကြက်တူရွေးနှစ်ကောင်ဟာ အင်မတန်မှ လိမ္မာတယ်။ ပြောတက် ဆိုတက် သိတက်တဲ့ ကြက်တူရွေးကလေးတွေ ဖြစ်ပါတယ်။ ကြက်တူရွေးကလေးတွေဟာ ပုဏ္ဍားကို “ ဖခင် ” ပုဏ္ဍေးမကို “ မိခင် ” လို့ခေါ်ကြတယ်။ ပုဏ္ဍား နဲ့ ပုဏ္ဍေးမတို့ကလဲ သူတို့ညီအစ်ကို နှစ်ဦးကို သားကြီး သားငယ် လို့ခေါ်ကြတယ်။
တစ်နေ့တော့ ပုဏ္ဍားမှာ ကုန်သွယ်ဖို့ ကုန်ရောင်းသွားဖို့ အလုပ်ပေါ်လာတယ်။ မလွှဲရှောင်သာလို့သာ အခုလို သွားရမှာပါ။ တကယ်တော့ မသွားချင်လှဘူး။ ဘာကြောင့်လဲဆိုတော့ အိမ်မှာကျန်ရစ်ခဲ့မယ့် ပုဏ္ဍေးမကို တခြားယောင်္ကျားတွေနဲ့ ဖြစ်ပျက်မှာကို တွေးပြီး ပုဏ္ဍားက စိတ်မချဘူး။ ဒါကြောင့် ပုဏ္ဍားက ကြက်တူရွေးလေး နှစ်ကောင်ကို အနားခေါ်ပြီး တိုးတိုးတိတ်တိတ် မှာတယ်။ “ ငါ ရပ်ဝေးကိုသွားပြီး အလုပ်လုပ်စရာရှိတယ်။ ငါမရှိတုန်းမှာ ငါ့ရဲ့မယားကို မင်းတို့နှစ်ယောက် စောင့်ကြည့်ပါ။ ဘယ်ယောင်္ကျားတွေလာတယ် ၊ မလာဘူးဆိုတာ သိအောင်လုပ်ပါ ” ဒီလိုမှာကြားပြီး ပုဏ္ဍားက ကုန်သွယ်ထွက်သွားတယ်။
ပုဏ္ဍားထွက်သွားတယ်ဆိုရင်ပဲ ကျန်ရစ်ခဲ့တဲ့ ပုဏ္ဍေးမဟာ ဖောက်ပြန်တော့တာပါပဲ။ နေ့ရော ညပါ အိမ်ကို ယောင်္ကျားတွေလာကြတယ်။ ဒါကို ကြက်တူရွေးလေး ညီအစ်ကိုက မြင်ကြတွေ့ကြတယ်။ ဒီအခါမှာ ညီဖြစ်တဲ့ ကြက်တူရွေးလေးက အစ်ကိုဖြစ်တဲ့ ကြက်တူရွေးကို “ အစ်ကို ဖခင်ပုဏ္ဍားက စောင့်ကြည့်ဖို့ မှာသွားတယ်။ အခု မိခင်ပုဏ္ဍေးမဟာ ယောင်္ကျားတွေနဲ့ ယုတ်မာဖောက်ပြန်တဲ့ အကျင့်ကို ကျင့်နေပြီ။ ဒီလို မပြုကျင့်ဖို့ ကျွန်တော်ပြောမယ် ” လို့ဆိုတော့ အစ်ကိုဖြစ်တဲ့သူက ညီလေး . . .မပြောနဲ့လို့ တားတယ်။ တားပေမဲ့ ညီက နားမထောင်ဘူး ၊ တားဆီးမရဘူးဖြစ်နေတယ်။
ညီဖြစ်တဲ့ ကြက်တူရွေးငယ်ဟာ အစ်ကိုဖြစ်သူရဲ့ စကားကို နားမထောင်ဘဲ ပုဏ္ဍေးမေဆီသွားပြီး မိခင်ဟာ ဖခင်မရှိချိန်မှာ ဘာကြောင့် ဒီလိုယုတ်မာဖောက်ပြန်တဲ့ အကျင့်ကိုကျင့်ရသလဲ ၊ ဒီလိုပြုကျင့်တာဟာ မကောင်းဘူး ၊ မပြုကျင့်နဲ့ စသည်ဖြင့် ပြောတော့တာပဲ။
ဒီအခါမှာ ပုဏ္ဍေးမက ကြက်တူရွေးကလေးကို “ အို ဟုတ်ပေသားပဲ။ ငါကျွေးမွေးထားတဲ့ ငါ့ကသားက ငါ့ကို ဆုံးမပါပေတယ်။ ငါ ဒီနေ့ကစပြီး မပြုကျင့်တော့ပါဘူး၊ လာပါဦး ၊ အမေ့အနားကို လာပါဦး “ လို့ချိုချိုသာသာနဲ့ ဟန်လုပ်ပြီး အနားကိုခေါ်တယ်။ ကြက်တူရွေးကလေးကလဲ အကောင်းခေါ်တာထင်ပြီး ပုဏ္ဍေးမအနားကို သွားတယ်။ အနားလဲရောက်ရော ပုဏ္ဍေးမအနားကို သွားတယ်။ အနားလဲရောက်ရော ပုဏ္ဍေးမက ကြက်တူရွေးကို ဖျက်ကနဲဖမ်းယူပြီးတော့ “ ငါ့ကိုနင်က ဆုံးမနေသေးတယ်။ ကိုယ့်ဟာကိုယ် အေးအေးမနေနိုင်ဘူး ” ဒီလိုပြောရင်းနဲ့ ကြက်တူရွေးရဲ့ လည်ပင်းကို လိမ်ချိုးပြီး သတ်ပစ်လိုက်တယ်။ ဒီလိုသတ်ပြီး မီးခဲတွေရှိနေတဲ့ ပြာပူထဲကို ထိုးထည့်ထားလိုက်တယ်။
မကြာခင်မှာ ပုဏ္ဍားဟာ ကုန်သွယ်ရာကနေ ပြန်ရောက်လာတယ်။ အိမ်ရောက်တယ်ဆိုရင်ပဲ ပုဏ္ဍားဟာ တခြားအကြောင်းကို မမေးနိုင်ဘူး။ ကျန်ခဲ့တဲ့ကြက်တူရွေးကို ငါမရှိတနုး သင့်ရဲ့မိခင်ဟာ ယောင်္ကျားတွေနဲ့ ယုတ်မာဖောက်ပြန်တဲ့ အကျင့်ကို ကျင့်သလား ၊ မကျင့်ပဲရှောင်သလား လို့ သူ့မယားအကြောင်းမေးတယ်။ ဒီအခါမှာ ကြက်တူရွေးကလေးက “ဖခင် ပညာရှိတို့မည်သည် ဟုတ်မှန်တဲ့စကားပင်ဖြစ်သော်လည်း နားမချမ်းသာတဲ့ စကားမျိုး (အကုသိုလ်သာ ဖြစ်စေတဲ့ စကားမျိုး) ဖြစ်နေမယ်ဆိုရင် မပြောဆိုကြပါဘူး။ ဟုတ်မှန်တဲ့ အတိုင်းပြောမိတဲ့ ကျွန်တော့ညီငယ်ဟာ မီးနဲ့ရောတဲ့ ပြာပူထဲမှာ သေရသလို ပြောမိတဲ့သူဟာ သေရမှာပဲ” လို့ ပြန်ပြောတယ်။ ဒီလိုပြောပြီး ကြက်တူရွေးကလေးဟာ ပုဏ္ဍားနဲ့ ပုဏ္ဍေးမအိမ်ကနေပြီး အပြီးတိုင်ပဲ ထွက်ခွါသွားပါတယ်။
ဒီအဖြစ်အပျက်ကလေးဟာ မြင်ရင်မြင်တဲ့အတိုင်း ၊ ဟုတ်ရင်ဟုတ်တဲ့အတိုင်း ပြောခြင်းဟာ အခါခပ်သိမ်း အကျိုးရှိတယ်လို့ မဆိုနိုင်တဲ့ သာဓကပါပဲ။ မြင်ရင်မြင်တဲ့အတိုင်း ပြောလိုက်ရင် ကိုယ်ကိုတိုင်ရော တစ်ဖတ်သူပါ အကျိုးမဲ့တွေဖြစ်စေမယ်။ အကုသိုလ်တွေပဲ ပွားစေမယ်ဆိုရင် မပြောပဲ နေရတာမျိူး ရှိတာပါပဲ။
1 Comment
November 8, 2009 at 10:20 am (စပ်မိစပ်ရာ)
ကျွန်မဘ၀မှာ မှတ်မှတ်ရရ သူမ ပေါင်းများစွာရှိခဲ့ဖူးတယ်။
လောလောဆယ် စိတ်ထဲမှာရှိနေတဲ့ သူမ တစ်ယောက်ကို ချရေးချင်လို့။
သူမဟာ ကျွန်မသင်တဲ့အတန်းမှာ သင်တန်းသူ တစ်ယောက်ဖြစ်ဖူးတယ်။ ကျွန်မဟာ သူမအတွက် စိတ်ကြီးတဲ့ ဆရာမတစ်ယောက်ဖြစ်ဖူးသတဲ့။
သူမဟာ ကျွန်မနဲ့ တစ်ဌာနတည်း တူတူလုပ်ဖူးတယ်။ကျွန်မဟာ သူမအတွက် ရှပ်ပြာခပ်နေတဲ့ စီနီယာတစ်ယောက်ဖြစ်ဖူးမလားပဲ။
သူမဟာ ကျွန်မအတွက် ရင်ဖွင့်ဖော်တစ်ယောက်ဖြစ်ဖူးတယ်။ ကျွန်မဟာ သူမရဲ့ နားပူစရာကောင်းတဲ့ မိတ်ဆွေတစ်ယောက်ဖြစ်ခဲ့ဖူးတယ်။
တစ်ခါတစ်ရံတော့ သူမဟာ ကျွန်မအတွက် အမကြီးတစ်ယောက်လို မားမားမတ်မတ်ရပ်တည်တက်ပြီး ၊ တစ်ခါတစ်ရံကျပြန်တော့ ကလေးလေးတစ်ယောက်လို ငိုသံပါလေးနဲ့ ညည်းပြတက်ပြန်တယ်။
သူမဟာ ကျွန်မအတွက် ရေးဖော်ရေးဖတ်တစ်ယောက်လဲဖြစ်ဖူးရဲ့။ သူမတိုက်တွန်းလို့ ဆက်ရေးဖြစ်တဲ့ ကျွန်မရဲ့ ဘလော့လေး ပြန်အသက်ဝင်ခဲ့တယ်။
(မမိုးထက်အိမ် အတွက် မွေးနေ့အကြို အမှတ်တရ)
2 Comments
